மகுடம் சூடும் பதிவர்கள்! விழா இரண்டு.

ஒவ்வொரு கலைஞனும் தனது கலைப்படைப்பிற்கு பலனாக, கோடி கோடியாக பணத்தையோ அல்லது பொன்னையும் பொருளையுமோ எதிர்பார்ப்பதில்லை. மாறாக, யாரேனும் ஒருவரிடமிருந்து வரும் “நல்லாருக்கு” எனும் ஒரே ஒரு சிறிய வார்த்தை போதும், அது, எவ்வளவு பொன்னையும் பொருளையும் கொடுத்தாலும் பெற்றுத்தராத மகிழ்ச்சியை, அந்த ஒரு சிறிய வார்த்தை பெற்றுத்தரும். தற்போது தமிழ் பதிவுலகமும் இது போன்ற மகிழ்ச்சிகளை, இல்லை இதை விட மிகப்பெரிய மகிழ்ச்சிகளை பரிமாறிக்கொண்டு வருகிறது. இது விருதினை பகிர்ந்து கொள்வது, எனும் முறையில் தற்போது நடந்துகொண்டிருக்கிறது. அந்த வகையில்தான் விருது பெரும் ஒவ்வொரு பதிவனும், தான் செல்லும் பாதையில் அசைக்க முடியா நம்பிக்கையுடன், கம்பீர நடைபோடுகிறான்.

    இதே வரிசையில்தான் எனக்கும் இதுவரை இரண்டு விருதுகள் கொடுக்கப்பட்டன. எனக்கு முதல் விருதினை வழங்கி உற்சாகப்படுத்தியவர் அன்பு சகோதரி யுவராணி தமிழரசன் அவர்கள். அவர்களுக்கு எனது மனம் கனிந்த நன்றிகள்! முதல் விருதின் மகிழ்ச்சி அடங்கும் முன்னே மற்றொரு விருது கொடுத்து மேலும் உற்சாகப்படுத்தியுள்ளார் அன்பு சகோதரர் அட்சயா அவர்கள். அவர்களுக்கும் எனது மனமார்ந்த திறந்த நன்றிகள்! இந்நேரத்தில் பதிவுலகில் அளவற்ற அன்புகாட்டிவரும் அனைத்து அன்பு உள்ளங்களையும் நன்றியோடு பார்க்கிறேன்! அனைத்து அன்பு உள்ளங்களுக்கும் மிக்க நன்றி! முதல் விருதினை பகிரும்போது, “பதிவுலகில் திறமையானவர்கள் இன்னும் நிறையபேர் இருக்க, அய்ந்து பேருக்கு மட்டும்தானே விருது கொடுக்க முடிகிறது!” என்று சிறிய வருத்தம் இருந்தது. அதை அட்சயா அவர்கள், எனக்கு இந்த விருதினை கொடுத்து போக்கி விட்டார்கள். அவர்களது அன்புக்கு மீண்டும் நன்றியை தெரிவிக்கிறேன்!

சரி, இப்போது எனும் இந்த விருதை பற்றி பார்க்கலாம். இந்த விருது ஜெர்மனிய விருது என்று கூறப்படுகிறது. இந்த விருதினை பெற்றவர், தனக்கு பிடித்த ஏழு விஷயங்களை சொல்லி, பிறகு நூற்றைம்பதுக்கும் குறைவான பின்தொடர்பவர்களை கொண்ட, அய்ந்து திறமையான, மனம் கவர்ந்த பதிவர்களுக்கு இந்த விருதினை வழங்கவேண்டும் என்று அறிவுறுத்தப்பட்டுள்ளது.

சரி, இப்போது விருது வழங்கும் நிகழ்வுக்கு வருவோம். இப்போது எனக்கு பிடித்த ஏழு விஷயங்களை சொல்ல வேண்டும். ஆனால் முந்தய பதிவிலேயே அதை சொல்லி விட்டதால் இப்போது நேரடியாக மகுடத்தை சூட்டுவோம்!

என் மனம் கவர்ந்து, திறமையால், மகுடம் சூடும் அய்ந்து பதிவர்கள். இதோ..

1.“மற்றவர்க்கு சேவை செய்வதே உண்மையான மனமகிழ்சியை தரும் செயல்” என்று, மிகப்பெரும் சமூக சேவை செய்வதோடு மட்டுமல்லாமல், “அந்த அனுபவங்களை மற்றவர்களுடன் பகிரும்போது, மற்றவரிடமும் சேவை மனப்பான்மையை வளர்க்கலாம்”, என்று தனது அனுபங்களை, பதிவுகளாக பதிந்துவரும் ஈரம்மகி மகேந்திரன் அவர்களுக்கும்,

2. குழைந்தைகளின் உரிமைகளை மதிக்க, சட்ட ரீதியாக அறிவுறுத்தும் வகையில் சமூக நோக்கோடு அழகாக பதிவிட்டுவரும் 498A-குழந்தை என்ற அந்த நண்பருக்கும்,

3.   தமிழ் வரலாற்றை நாம் யார்? என்ற தொடர் பதிவில் பதிவிட்டு தமிழின் வரலாறு போற்றும் மக்களாட்சி நடத்திவரும் அன்பு நண்பருக்கும்,

4.கல்வி, அனுபவம், சமூக அவலங்கள், நகைச்சுவை,போன்றவற்றை மிக மிக நேர்த்தியாக பதிவிட்டுவரும் டி.என்.முரளிதரன் அவர்களுக்கும்,

5.வணிகம், பொருளாதாரம், பங்குசந்தை, வங்கி போன்ற இன்னும் பல பணம் சார்ந்த விழிப்புணர்வை ஏற்ப்படுத்தும் வகையில் மிக எளிமையாக, அனைவருக்கும் புரியும் வகையில் பதிவுகளை இட்டுவரும் பங்குசந்தைஇ-லேர்னிங் நடத்திவரும் நண்பருக்கும், இந்த விருதினை வழங்குகிறேன்!

இந்த அய்ந்து நண்பர்களுக்கும் விருது வழங்குவதை பெருமையாக கருதுகிறேன்! தயவு செய்து நண்பர்களை இந்த விருதினை அன்போடு ஏற்றுக்கொள்ள வேண்டுகிறேன்! மகுடம் சூடிய அய்ந்து பதிவர்களுக்கும் எனது மனம் நிறைந்த வாழ்த்துக்கள்! மேலும் அவர்களை, அவர்களின் மனம் கவர்ந்த பதிவர்களுக்கு இந்த விருதினை வழங்கி, அவர்களை உற்சாகப்படுத்துமாறு வேண்டுகிறேன். ஆதரவளித்த அனைத்து உள்ளங்களுக்கும் மிக்க நன்றி!

      இறுதியாக ஓன்று. வலைச்சரத்தில் தென்காசித் தமிழ்ப் பைங்கிளி, எனது இடுகை சிறைவாசி! யை அறிமுகப்படுத்தி, பெருமைப்படுத்தியிருக்கிறார்கள். அவருக்கு எனது மனம் நிறைந்த நன்றிகளை தெரிவித்துக்கொள்கிறேன்! (வலைச்சரத்தில் இரண்டாவது முறையாக தண்ணீர்ப்பந்தல் வலம் வருவதை மகிழ்வுடன் பகிர்கிறேன்!)

டெரர்கும்மி 2011 விருது வழங்கும் நிகழ்வில், சிறுகதை பிரிவில், பத்துரூபாய் ஞானி! என்ற எனது படைப்பிற்கு இரண்டாம் பரிசு வழங்கி உற்சாகப்படுத்திய, டெரர்கும்மி நண்பர்களுக்கும், நடுவர் குழுவிற்கும், ஆதரவளித்து உற்சாகப்படுத்திய அனைத்து அன்பு உள்ளங்களுக்கும் மிக்க நன்றி! நன்றி! நன்றி!


                                                           வே.சுப்ரமணியன்.