மகுடம் சூடும் பதிவர்கள்.

தமிழ் பதிவுலகம், உலகையே மாற்றத்துடிக்கும் பல எண்ணற்ற கனவுகளை கொண்டுள்ள இளம் எழுத்தாளர்களையும், வலைப்பதிவின் மூலமே அறிமுகமாகிக்கொண்ட, பல எண்ணற்ற தமிழ் உறவுகளையும் தாங்கி நிற்கிறது. ஒரு தாய் பத்துமாதம் சுமந்த குழந்தையை பிரசவிக்கும் போது அவளுக்கு ஏற்படும் அதே உணர்வுக்கு, ஒவ்வொரு இளம் எழுத்தாளனும் தனது எழுத்துக்களை வெளியிடும்போதும் உள்ளாகிறான். இந்நிலையில் ஒவ்வொரு படைப்பாளனும் தாய்மையடைந்தவன்தான். ஒரு வலைபதிவன், தன் அறிவில் உதித்து, மனதில் சுமந்து, பின் தன்னால் வெளியிட்ட படைப்பு, பல கருத்துரைகளையும் பாராட்டுகளையும் வெற்றி வாகைகளாக சூடி வரும்பொழுது, ஒரு தாய், தான் கருவில் சுமந்த குழந்தை பல வெற்றி வாகைகளை சூடி வரும்போது அவள் அடையும் பூரிப்பை, ஒரு வலைபதிவனும் அடைகிறான். இந்த நேரத்தில்தான் ஒவ்வொரு இளம் எழுத்தாளனும் தனது கனவுகள் நனவாக தான் பயணம் செய்யவேண்டிய தூரத்தையும், அதற்கான வாய்ப்புகளையும் மிக நன்றாகவே உணர்கிறான். அதுவே அவனது இலக்கை அடைய அவனை முன்நோக்கி நகர்த்தி கொண்டுபோகிறது.

இதே நோக்கத்துடன்தான், தற்பொழுது தமிழ் பதிவுலகில் மிகவும் பரபரப்பாக விருதுகள் வழங்கி உற்சாகப்படுத்துதல் நடந்து கொண்டிருக்கிறது. இந்த வரிசையில் எனக்கும் விருது (versatile blogger award) வழங்கி பெருமைப்படுத்தியிருப்பதை நான் நன்றியுடன் தெரிவித்துக்கொள்கிறேன். இந்த விருதை எனக்கு வழங்கிய, யுவராணி தமிழரசன் அவர்களுக்கு எனது மனம் நெகிழ்ந்த நன்றிகளை தெரிவிப்பதில் மகிழ்ச்சி கொள்கிறேன்! மேலும் என்னுடன் விருது பெற்ற சக நண்பர்களுக்கும் வாழ்த்துக்களை தெரிவித்துக்கொள்கிறேன்.

மேலும் எனது வலைத்தளத்திற்கு தேவையான தொழில்நுட்ப உதவிகளை சளைக்காமல் செய்த ப்ளாக்கர் நண்பன் அப்துல் பாஷித் அவர்களுக்கும்,

எனது தளத்திற்கு முதல் கருத்துரையிட்டு பெருமளவில் உற்சாகப்படுத்திய அன்பு அண்ணன் வேர்களைத்தேடி... முனைவர். இரா.குணசீலன்.அவர்களுக்கும்,

எனது வலைதளத்தை, வலைச்சரத்தில் பெருமைப்படுத்திய நான் பேச நினைப்பதெல்லாம். சென்னைப்பித்தன் அய்யா அவர்களுக்கும்,

தற்பொழுது எனக்கு versatile blogger award எனும் விருது வழங்கி பெருமைப்படுத்தியிருக்கும் யுவராணி தமிழரசன் அவர்களுக்கும் மீண்டும் ஒருமுறை நன்றி தெரிவிப்பதோடு.. தொடர்ந்து வருகைதந்து உற்சாகப்படுத்தும் தமிழ் கவிதைகளின்தங்கச்சுரங்கம் ஸ்ரவாணி, வசந்த மண்டபம் மகேந்திரன், சுபாகதைகள் S.C.சுதா, தீதும்நன்றும் பிறர்தர வாரா! திரு.ரமணி அய்யா, மாலதியின் சிந்தனைகள் மாலதி, மற்றும் தமிழ் உதயம். ஆகியோர்களுக்கு எனது மனம் நெகிழ்ந்த நன்றிகளை தெரிவிப்பதில் மகிழ்ச்சி கொள்கிறேன்! மேலும் இத்தளத்தில் இணைந்து கொண்ட அன்பு உள்ளங்களுக்கும், கருத்துரை மூலம் அன்பை வெளிப்படுத்திய நண்பர்களுக்கும், இத்தளத்தின் அனைத்து வாசகர்களுக்கும் எனது மனம் நெகிழ்ந்த நன்றிகள் பல தெரிவிப்பதில் மகிழ்கிறேன்!

versatile blogger award எனும் விருது, தொடர் வரிசையில் வழங்கப்படும் விருது என்பதறிவோம். நான் எனது மனம் கவர்ந்த அய்ந்து பதிவர்களுக்கு இந்த விருதை வழங்கும் முன்னர் எனக்கு பிடித்த ஏழு விசயங்களை (“விஷயங்கள்” என்பதற்கு தூய தமிழ் சொல்லேதுவோ) பகிர வேண்டுமென்பது பரிந்துரை. ஆகவே முதலில் அதைப்பார்த்து விடலாம்.

பிடித்த ஏழு விசயங்கள்:

1.       புத்தகங்களை வாங்கி குவிப்பது.

2.       சிந்தனைகளை செயல்பாட்டிற்கு உட்ப்படுத்த முயற்சிப்பது.

3.       இசையில் கரைந்து போவது.

4.      அப்போதுதான் செடியிலிருந்து பறித்த, ஒற்றை மல்லிகைப்பூவை முகர்ந்துகொண்டே பறக்க முயற்சிப்பது.

5.       ரசிக்கும் காட்சிகளை புகைப்படமாக்கிவிடுவது.

6.       இணையத்தில் இணைந்தே இருப்பது.

7.       யாரேனும் கிடைத்துவிட்டால்.. வெட்டியாக அரட்டையடிப்பது.

இப்போது விருது வழங்கும் நிகழ்வு. விருது பெரும் அய்ந்து பதிவுலக நண்பர்கள்..

1.       திகட்ட திகட்ட கவிகளை அள்ளித்தந்து, “எப்படி இவரால் இப்படி சிந்தனையின் உயரத்தை வெகு சுலபமாக எட்டிவிட முடிகிறது?” என்று எண்ணவைக்கும், தென்காசித் தமிழ்ப் பைங்கிளி,

2. இலக்கிய வரலாற்றில் இடம்பெற்றிருக்கும் கவிஞர்களின் சிந்தனையின் உயரத்தை தாண்டிவிடவேண்டும், என்ற பெரும் முயற்சியில், முதல் பயணம்மேற்கொண்டிருக்கும் ஷேக் முகைதீன்,

3.    கணினி முதல் இலக்கியம், ஆன்மிகம், உடல் நலன் என பல துறைகளிலும் பதிவெழுதி கிருஷ்ணாலயாவில் உலவவிடும் அட்சயா,

4. சிறுகதை, சினிமா விமர்சனம், அரசியல், கணினி, சமூகம் போன்ற இன்னும் பலதுறைகளிலும் தனது அழகான எழுத்து நடையில் கலக்கிவரும் உடன்பிறப்பே J.ரவிசங்கர்,

5.      இலக்கியம் மற்றும் கணினி தொடர்பான இடுகைகளை கடற்கரையில் கால் தடமாக பதித்து வைத்திருக்கும் விஜயன்

ஆகிய இந்த அய்ந்து பதிவுலக நண்பர்களுக்கும் இந்த விருதை வழங்குவதில் பெருமை கொள்கிறேன். அவர்களை தயவு செய்து இந்த விருதினை ஏற்றுக்கொள்ளுமாறு வேண்டுகிறேன். விருது பெற்ற அனைவருக்கும் வாழ்த்துக்கள் கூறிக்கொள்வதோடு, அவர்களை தங்களின் மனம் கவர்ந்த அய்ந்து பதிவர்களுக்கு இந்த விருதை வழங்குமாறு கேட்டுக்கொள்கிறேன். விருது வழங்கும் அளவிற்கு எனது தகுதியை(!) உயர்த்திய அனைத்து அன்பு உள்ளங்களுக்கும், ஆதரவளித்து உற்சாகப்படுத்திய அனைத்து உறவுகளுக்கும் நன்றி! நன்றி! நன்றி! 

                                                    வே.சுப்ரமணியன்.